کوپن ہیگن (اوصاف ٹی وی) سائنسدانوں نے کورونا وائرس کے مریض کے ٹیسٹ کے لیے روبوٹ تیار کر لیا۔ اس طریقہ کار سے ہیلتھ ورکرز کو کسی مریض کے لعاب کے نمونے لینے کے عمل سے جڑے خطرات سے بچایا جا سکتا ہے۔ تفصیلات کے مطابق ڈنمارک میں سائنسدانوں نے ایسا روبوٹ تیار کر لیا ہے جو کورونا وائرس کی سکریننگ ٹیسٹ محفوظ طریقے سے انجام دے سکتا ہے۔
خبر رساں ادارے کے مطابق اس طریقہ کار سے ہیلتھ ورکرز کو کسی مریض کے لعاب کے نمونے لینے کے عمل سے جڑے خطرات سے بچایا جا سکتا ہے۔ خبر ایجنسی کی رپورٹ کے مطابق یونیورسٹی آف سدرن ڈنمارک کے سائنسدانوں نے ایسا پہلا روبوٹ تیار کر لیا ہے جو خودکار طریقے سے کووڈ انیس کے ٹیسٹ کے عمل کے لیے مریض کے حلق سے نمونہ لینے کی صلاحیت رکھتا ہے۔
اس روبوٹ کا بازو تھری ڈی پرنٹنگ کی مدد سے ڈیزائن کیا گیا ہے جو ہر ٹیسٹ کے بعد خود بخود تبدیل ہو جائے گا، ڈسپوزبل بازو سے روبوٹ روئی انسانی حلق کے عین اس حصے سے لگاتا ہے جہاں سے کووڈ انیس کے معائنے کے لیے نمونہ لیا جانا چاہیے۔
Researchers in Denmark Develop Robot That Can Test COVID-19 Patients https://t.co/cp268C3hfC via @newsblenda
— blenda (@newsblenda) May 28, 2020
نمونہ لینے کے عمل کا سب سے پہلا ٹیسٹ پراجیکٹ کے سربراہ پروفیسر تھوسیئسس سوا ریموتو پر کیا گیا جنہوں نے بتایا کہ روبوٹ نے حلق کی مخصوص جگہ پر بہت نرمی کے ساتھ روئی لگائی جوایک بڑی کامیابی ہے آئندہ ماہ جون کے آخر تک اس روبوٹ کا پروٹو ٹائپ مکمل ہونے کی توقع کی جا رہی ہے۔ کورونا وائرس کی دوسری یا تیسری لہر کی صورت میں موسم خزاں تک یہ روبوٹس مارکیٹ میں دستیاب ہو جائیں گے۔ یہ بھی توقع کی جاتی ہے کہ موسمی فلو جیسے دیگر وائرس کی جانچ میں بھی اس ٹیکنالوجی کے استعمال پر غور کیا جا سکتا ہے۔